Plantun de Prouvènço

Pèr coumpara dos planto d'encò nostre

Cerastium brachypetalum & Ranunculus aduncus

Cerastium brachypetalum

Caryophyllaceae

Nom en français : Céraiste à pétales courts.

Descripcioun :
Aquéu pichot ceraiste, que trachis dins lis ermas e li tepiero seco, èi forço bourrihu. Se recounèis e se destrìo de Cerastium glomeratum, mai coumun, emé si pecou de flour e subretout de fru de 1 à 2 cm e couida en aut. Li pedoun dis estamino soun peréu cilia. La subsp. dó nostre, ié dison brachypetalum.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Cerastium
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 3 à 5 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mars à juliet

Liò : Ermas - Tepiero seco
Estànci : Subremediterran à Mountagnard
Couroulougi : Eurimediterrano
Ref. sc. : Cerastium brachypetalum Desp. ex Pers., 1805

Ranouncle(-croucu)

Ranunculus aduncus

Ranunculaceae

Noms en français : Renoncule à carpelles crochus, Renoncule crochue.

Descripcioun :
Lou ranouncle-croucu trachis dins li bos clar de colo e de mountagno sus cauquié. Es uno planto coumuno dins soun relarg emai siegue pas toujour couneigudo. Se recounèis à si flour pelouso que porton d'akène forço croucu e à si pecou que soun pas boutis.

Usanço :
Coume tóuti li ranouncle, es uno planto empouisounanto, pamens couneissèn pas d'usanço particuliero. Escriéure au site se n'en sabès mai.